نكت مصرية طحن الطحن !!!!!!!!!!!!!!!!!! سياسي

عملوا جائزة مليون جنيه للي عنده 10 عيال.واحد عنده تسعة قال لمراته أنا كنت متجوز عليكى ومعايا ولد أروح أجيبه ونكمل العشرة ونكسب الجايزة.راح ولما رجع ملقاش العيال سأل مراته فين العيال قالتله كل عيل أبوه جه خده.


مواطن من رعية حسنى أدالوا سلحفاة هدية وقالوا السلحفاة ديه بتعيش 400 سنة قاله الريس : حنشوف


واحد صعيدي سافر سوريا يقلب عيشه هناك فلما انفتح باب الطيارة قابلته مذيعة وسألته: إيه رأيك فى الأسد؟؟ قالها حيوان قوى وكفاية انه ملك الغابة.راحوا خدوه 10 سنين سجن ولما خرج قال أنا أسافر للسعودية أشوف رزقي هناك وبالمرة اعملي حجة وعمرة ولما انفتح باب الطيارة قابلته مذيعة وسالته إيه رأيك فى فهد ؟؟ قالها : والله ده حيوان رشيق وسريع راحوا واخدينوا 5 سنين فلما خرج قال أنا ارجع بلدي أحسن واهو مصر برده أم الدنيا فلما انفتح باب الطيارة قابلته مذيعة وقالتله : إيه رأيك فى مبارك؟؟؟ قالها لو سمحتي أنا مبتكلمشى على حيوانات.


2 مساطيل ركبوا أتوبيس بدورين اللي فوق سال اللي تحت انتوا ماشيين بسرعة كام؟ قالوا 80 وانتوا ؟ قاله: إحنا السواق مجاش.


واحد غبي راح يخطب الأب قاله البنت لسه فى المدرسة رد عليه الغبي وقاله يعنى أجيلها بالليل.


واحد ميكانيكي فتح مصنع شيكولاتة سماه كالاكسى.

سواق راح يحلق الحلاق بيساله : عايز شعرك ازاى؟؟؟ قاله: فى اى حته على جنب.


محشش جابوه للقاضي قاله لو قلتلى 10 حاجات بتعملها من ساعة ما تصحى لغاية ما تنام وتكون تبدا بحرف الالف حسيبك؟ قاله المسطول: اجيبها واحرقها وافرطها والفها و اولعها واعمرها وامخمخ انسطل اطفيها انام.

واحد بخيل راح يزور أمه فى المستشفى شاف على الباب مكتوب ادفع قال: خلاص ابقي ازورها لما تروح البيت
يقولوا للريس قبل الانتخابات "انت مش هاتودع الشعب وللا ايه؟"
قاللهم "ليه هو الشعب رايح فين؟


موظف راح يدى صوته فى الانتخابات فاختار لا
وهو مروح قابل واحد صاحبه فسألو عملت ايه ؟
قاله علمت على لا
لطم صاحبه وقاله روحت فى شربة ميه
فسأله الموظف ايه الحل ؟
قاله ارجع بسرعه وصلح اللى كتبته واكتب نعم
رجع الموظف لرئيس اللجنة وقاله :-
جيت اعلم على نعم غصب عنى علمت على لا
مسكه رئيس اللجنة من ودنه وقاله
احنا صلحناه لك اوعى تعمل كده تانى


واحد شغال فى فرز اللجان الإنتخابية...فواحد صاحبه بيسأله : بقى معقول انتوا بتقعدوا تفرزوا الأصوات دى كلها؟؟؟؟؟؟؟؟؟؟؟
قال له : ولا بنفرز ولا حاجة...التعليمات واضحة وصريحة...احنا نرمى الورقة بتاعة الناخب فى الهوا...ولو نزلت على وشها أو ضهرها يبقى وطنى...ولو على سنها يبقى معارض


بلدياتنا نجح في انتخابات مجلس الشعب, ففي اول جلسة قاعد جنب واحد افندى فالأفندى عزم عليه بسيجارة مارلبورو, وبعد شويه بيسالوا إيه رأيك في الديمقراطية ياحاج؟؟.. فرد الحاج : والله أحسن من الكيلوبترا



سأل الرئيس وزيره : كيف حال الشعب بعد ما غلّينا العيش ؟
فقال : يا سيدي بياكل زفت
فقاله : طيب غلي الزفت


في مدرس يدرس في المرحلة الابتدائية سأل أحد الطلاب طير بيتكلم وأول حرف منه الباء ؟
فرد عليه الطالب وبسرعه : الببغاء
فقال : ممتاز . اسمك اية؟
فرد : أحمد
سأله المدرس: أبوك بيشتغل اية؟
رد الطالب : دكتور
فقال المدرس : شايفين ولاد الدكاتره ؟
راح المدرس سأل سؤال ثاني : حيوان بطيء وأول حرف في اسمه السين ؟
فرد أحد الطلاب : سلحفاة
يرد المدرس : ممتاز .. اسمك أية؟
فقال : وائل
أبوك بيشتغل اية؟
رد الطالب : مهندس
فقال المدرس : شايفين ولاد المهندسين
بعدها سأل المدرس السؤال الثالث : طائر له جناحين ... ما هو ؟
فرد أحد الطلاب و بسرعه : تمساح
فيقول المدرس : شايفين الغبي دة
اسمك أية ياغبي؟
ردالطالب : خلف
أبوك يشتغل أية ياغبي؟
رد الطالب : لواء امن دولة
ردالمدرس : بص يا حبيبي هو التمساح بيطير بس مش كتير ولو شد حيله
حيطير أعلى


كان أحد الحكام ممن اشتهروا بالظلم يسافر في طائرة، فنظر من النافذة وقال لحاشيته: لو رميت
100دولار من الطيارة ... يحصل إيه ؟
رد واحد و قاله : حيلاقيها واحد من الشعب و يفرح بيها
قاله : و لو رميت ألف دولار من الطيارة ... يحصل إيه ؟
رد واحد تاني و قاله : حيلاقيها مجموعة من الشعب و يفرح بيها
قام واحد ثالث قاله : و لو رميت نفسك من الطيارة كل الشعب حيفرح



مره توني بلير و بوش و حسني مبارك عمله ماتش كوره
و همه بيلعبوا الكره وقعت في بحيره مليانه تماسح مفترسه
توني بلير امر واحد من الحرس بتوعوه انه ينزل يجيب الكره من البحيره..
الحرس قال له ماينفعش انزل علشان انا عندي ولاد و عايز اعيش و اربيهم
قام بوش امر واحد من الحرس بتوعه انه ينزل يجيب الكره من البحيره
برده اعترض و قاله ماينفعش انزل علشان عندي ولاد وعايز اعيش و اربيهم
قام حسني مبارك امر واحد من الحرس بتوعه انه ينزل يجيب الكره من البحيره....
العسكري مكدبش خبر راح قالع هدومه و نازل البحيره و فضل يصارع التماسيح و التماسح اكلت اديه و رجليه بس بعد كل ده جاب الكره
فبيسألوه انت ليه نزلت مع انك عارف ان البحيره مليانه تماسيح مفترسه
قلهم انا برضه عندي عيال و عايز اعيش و اربيهم

حاكم عربى لقي فانوس سحري قام دعكه فطلعله منه ابليس قاله:شبيك لبيك تطلب ايه؟
قاله: بص بقي يا عم ابليس انا عملت فب الشعب بتاعي كل حاجه..قوللي بقي علي حاجه جديده اعملها !
ابليس قاله: بس كده..بسيطه..هات ودنك..وش وش وش وش وش
قام الحاكم قاله: ايه ياعم لعب العيال ده..ده كلام برضه
قام ابليس قاله: بلاش دي..هات ودنك...وش وش وش وش وش
قام الحاكم قاله: ايه يا عم ده ...انت شكلك ابليس نص كم ولا ايه
ابليس قاله: معقول الفكره دي مش عاجباك!!..طب خد دي بقي..وش وش وش وش
قام الحاكم قاله: ياعم انت شكلك كده لا ليك في العفرته ولا حاجه..هات ودنك بقي اقولك انا
بعمل ايه في الشعب بتاعي....وش وش وش وش وش وش
قام ابليس برق و قاله: يا راجل حرام عليك اتقي الله!!!
*************
دكتور عربي ,دكتور ياباني ودكتور أمريكي في مؤتمر عن زراعة الاعضاء
قال الامريكي: احنا كان عندنا واحد ما بيشوفـش ,جبنـا قطـة ودبحناهـا
وأخــذنـــا عـيـنـيـهـا وزرعـنــاهــم لـلــرجــل ..!!
اللـي كـانـوا واقفـيـن قـالـوا لـه:يـاااه؟ وبيـشـوف كـويـس ؟؟
قـال لهـم : طبعـا بيشـوف , وبيشـوف اللـي ورا الشمـس كمـان ..
قال الياباني: احنا كان عندنا واحد كبـده تعبـان , فجبنـا قطـة ودبحناهـا
وأخـــذنـــا كــبــدهــا وزرعــنــاهــا لــــــه ..
قالوا : وبيشتغل كويس ؟ قال: أمـال .. ده بيهضـم الزلـط ده الوقـت..
العربي قال: احنا بقى كان عندنا واحد مخه بايـظ ,رحنـا شايليـن مخـه
وحــطــيــنـــا بــــدالـــــه جــــزمـــــة..!!
قـالـوا لــه : ايــه ؟؟ مــش معـقـول !ولـســة عـايــش؟؟
قـال لـهـم طبـعـا ..ده مـسـؤول كبـيـر عنـدنـا ده الـوقـت...

********
رئيس وزارة دولة( عربتمان)راح للرئيس بعد مـا شالـوه مـن الـوزارة
وقـال لـه :عايـز أعــرف انــت شلتـنـي لـيـه يــا ريــس؟؟
قــال لـــه : يـــا حبـيـبـي التغـيـيـر سـنــة الـحـيـاة .
طــيــب شــلــت وزيــــر الـمـواصــلات لــيـــه ؟؟
قــال لـــه يـــا حبـيـبـي التغـيـيـر سـنــة الـحـيـاة ..!
قال له طيب ,ممكن أسألك سؤال ؟ ليه انت الوحيـد اللـي مـا بتتغيـرش؟
قال له : يا حبيبي تغيركـم انتـم سنـة ,لكـن أنـا وجـودي فـرض!!!
********

فى حوار بين مسئول امريكى ومسئول عربى
المسئول الامريكى :-
احنا فى اميركا بندى المواطن 10 الاف دولار فى الشهر كحد ادنى
وبناخد منه 500 دولار ضرائب وفواتير كهرباء وميه وخلافه
ومابنسألوش بيودى الباقى فين
رد عليه المسئول العربى
احنا بقى احسن منكم
احنا بندى للمواطن 200 دولار فى الشهر
وبناخد منه 500 دولار ضرائب وفواتير
ومابنسألوش بيجيب الباقى منين

*********

وقف الزعيم الديمقراطي يلقي خطبة أمام الشعب فاندمج في خطابه و أخذ يقول : نحن بلد الديمقراطية نحن بلد التقدم نحن بلد التطور فقام مواطن و قال : سيادة الرئيس أين الديمقراطية؟ أين التقدم؟ أين التطور؟ فلم يرد الرئيس و اندمج في خطابه و أخذ يردد: نحن بلد الديمقراطية نحن بلد التقدم نحن بلد التطور فقام مواطن اخر و قال : سيادة الرئيس أين الديمقراطية؟ أين التقدم؟ أين التطور؟ أين الرجل الذي كان بجانبي؟
كت على الريس --------------------------------------------------------------------------------الريس : عارف يا ابليس ياخويا, انا عاوز اعمل في الشعب المصري حركه تطلع من نافوخهم أبليس : طب هات ودنك وخد الفكره دي .....وش وش وش وش الريس: لالا يا ابليس الفكره دي مش نافعه , عاوز حاجه أشد أبليس : طب خد دي ...... وش وش وش وش الريس : لالا , برضه مش نافعه , ايه يا ابليس انت بقيت خرع كده ليه , هات بقه ودنك وانا اقولك انا نويت اعمل فيهم ايه وش وش وش وش وش ابليس : لا يا راجل حرام عليك ------------------------------
واحد اتحشر في زحمة المرور فلقى واحد بيخبطله على شباك السيارة فتح الشباك و سأله عايز ايه قاله : الريس خطفوه و الفدية 5$مليون دولار و لو الفدية ماتدفعتش .. الخاطفين هددوا يدلقوا عليه بنزين و يولعوا فيه و احنا بنجمع تبرعات .. تحب تشارك ؟ الرجل سأل: " و في المتوسط الناس بتتبرع بكام" الرجل الثاني : " من 5 الى 10 لتر بنزين ---------------------------
مره الريس راح مدرسه ابتدائى فلما جت فتره الاسئله ولد رفع ايده الريس ساله اسمك ايه فقاله رامى فقاله ايه سؤالك يا رامى ؟ رامى : انا عندى اربع اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ ساعتها بالظبط رن جرس الراحه وبعد الراحه رجع الريس وقال احنا كنا فين بقى؟ مين عنده سؤال ؟ ولد صغير تانى رفع ايده فمبارك سأله اسمك ايه قاله تامر فقاله سؤالك ايه يا تامر ؟ تامر : انا عندى 6 اساله 1 - ليه انت رئيس بقالك 25 سنه ؟ 2 - لسه معينتش نائب ؟ 3 - ليه ولادك ماسكين كل حاجه فى البلد ؟ 4 - ليه مصر حالتها الاقتصاديه زفت و انت مبتعملش حاجه ؟ 5 - ليه جرس الراحه رن ربع ساعه بدرى ؟ 6- فين رامى ؟؟؟؟؟؟ -------------------------------------- *إخبرنى بصراحة يا نظيف ولا داعى للمجاملة أو النفاق . نظيف : أمرك يا ريس الريس : أنا الأفضل ولا عبدالناصر ؟ نظيف : انت طبعا يا ريس .. جمال مين اللى كان بيخاف من الروس !! الريس : طيب أنا الأفضل ولا السادات ؟ نظيف : سادات مين ياريس اللى كان بيخاف من الأمريكان !! الريس : طيب أنا الأفضل ولا عمر بن الخطاب ؟ نظيف : انت طبعا يا ريس .. عمر بن الخطاب كان بيخاف من ربنا .. انت لأ----------------------------------------
*كان فى سرير المرض حينما أخذ يلقى بوصاياه الأخيرة لوزيره نظيف : - وصيتك الحكم من بعدى يا احمد .. - فى رقبتى يا ريس .. كله تمام والسلطة هياخدها جمال .. (ثم راح فى غيبوبة .. أفاق منها بعد قليل ) - وصيتك الشعب من بعدى يا احمد . - ما تخافش يا ريس .. الشعب ياكل الزلط ... (ثم راح فى غيبوبة .. أفاق منها بعد قليل ) - احمد - نعم يا ريس؟ - ماتنساش .. توكيل الزلط لعلاء -------------------
بيقولك مره شيخ اتمسك فى امن الدوله و سابوه فامن الدوله مراقبينه . اول يوم لقوه ماشى فى شارع الهرم راحوا مكلمين الريس و قالوله الشيخ تاب ياريس تانى يوم لقوه فى كباريه قالوا الشيخ تاب و اناب ياريس تالت يوم لقوه فى الاتوبيس بيسرق واحد قالوا الشيخ تاب و اناب و بقى من الحزب الوطنى ياريس -----------
ذهب نظيف عندما كان نائبا الى نزهة فوجد تمثالا للجندي المجهول يققف ممسكاً ببندقيته فاقترب منه وأخذ يتأمله، فقال له التمثال: لقد تعبت من الوقوف فأحضر لي حصاناً أركب عليه، فتعجب نظيف مما حدث ، وعندما عاد أخبر مبارك بما جرى، فلم يصدقه ، وطلب من نائبه أن يذهب سوياً للتحقق من الأمر وعندما وصل نظيف و الريس واقتربا من التمثال قال التمثال لنظيف: لقد طلبت منك حصاناً وليس حماراً --------------------------------
* بيقولك جمال مبارك بعد الخطوبة ..أبوه حب يضمنله مستقبله ..جابله عقد عمل فى السعودية ..وشغلوه برضه ابن رئيس جمهورية بالساعة. --------------------
* بيقولك فى عيد ميلاد حفيد الريس ..كل وزير جابله هدية ..اللى جابله طيارة لعبة ..واللى جابله مسدس مية ..حبييب العادلى جابله تلات عربيات أمن مركزى وأربع مخبرين لعبة.
* اشتكى الريس لحبيب العادلى إن "حمو النيل "ما بيخلهوش ينام ..بعد تلات تيام اتصل بيه حبيب العادلى وقاله تمام يا فندم قبضنا على كل اللى اسمهم حمو وجارى ردم النيل سعادتك.
* سبب عدم غناء محمد ثروت فى الحفلات الوطنية إنه مرة غلط وغنى :الله أكبر فوق كيد المعتدى. -------------------------------
* الريس ركب طياره هو وعيلته. طلع ورقه بمية جنيه من جيبه وقال انا حأرمى المية جنيه دى واللى حيأخدها حأسعده. سوزان قالت له طب ما تخليهم ورقتين بخمسين وتسعد إتنين. علاء قال طيب ماتخليهم خمس ورقات بعشرين وتسعد خمسه . جمال قال طيب ماتخليهم عشر ورقة بعشره جنيه وتسعد عشره. الطيار قال طيب ما ترمى نفسك وتسعد 75 مليون
* مرة واحد ركب تاكسي ولقي السواق معلق في العربية صور جمال عبد الناصر وانور السادات والريس الراجل استغرب سال السواق مين اللي انت معلقهم صورهم عندك قالة دا جمال عبد الناصر الزعيم المصري الراحل ودا انور السادات قائد حركة السلام والامن في البلد ودا الريس أبو علاء شريكي في التاكسي -------
الريس بيخطب في الشعب فا كل شويه واحد يقوم ويقول عاش الريس موحد الاديان ويقعد يروح حسني مكمل كلامه وشويه ويقوم الراجل ويقول عاش الريس ك موحد الاديان فا اتمسك امن دوله وطااااااااخ ويقولوله ايه الي انت بتقوله دا ازاي موجد الاديان دي مصر فيها مسيحين ويهود ومسلمين وطااااااخ فردعاليهم يا باشا ماهوه الي مكفرنا كل
فى عيد الأضحى طلب الريس من حبيب العادلى عشر خرفان عشان ينقى منهم خروف يضحى بيه فى العيد ..بعد تلات تيام جابله خروف متعور ومتبهدل خالص ..فقاله :إيه ده يا حبيب ..جايبلى خروف حالته بالبلا ..فقاله :ده اللى فضل صاحى بعد التحقيقات يا فندم ..قاله :طب وباقى الخرفان ..فرد حبيب :طلعوا إخوان مسلمين يا فندم
*الريس ماشي في الصحرا شاف تمثال ، قال لحبيب العادلي شوفلي التمثال ده بتاع مين يا حبيب ، ربع ساعة رجعله حبيب العادلي و قاله : ده رمسيس التاني يا فندم ، مبارك قاله : عرفت منين ، العادلي رد : اعترف يا فندم
* بيقولك واحد تانى لقى الفانوس السحرى ده دعكه طلعله العفريت وقاله:شبيك لبيك تطلب أيه؟ قاله الراجل: أنا عايز كوبرى بين القاهره وأسوان العفريت قاله: دى صعبه قوى نقى حاجه تانيه الراجل قاله:خلاص خلى الريس يسيب الحكم؛العفريت قاله:أنت عايز الكوبرى رايح جاى ولا رايح بس
* ههههههههههقرر الريس ان يعين سكرتيره , فلجا الي نظيف الريس : اهم حاجه يا نظيف في اللي يشتغل معايا الامانه نظيف : يا ريس احنا عملنا اختبار لتلات بنات , ادينا لكل واحده كيس وقلنالها ودي الالف جنيه دول البنك , كل واحده فتحت الكيس لقت فيه الفين جنيه , واحده حطت الف ورجعت بألف , التانيه حطيت الالفين وجابت الوصل , التالته رجعت بالفلوس كلها وبتسأل تتصرف ازاي , ها يا ريس هتعين مين ؟؟؟؟؟؟ الريس : اللي لابسه ميكرو جيب طبعا