اقتراح مصري للحج
اقترح المصريون على الرئيس حسني مبارك
على أن يكون الحج
في مصر وذلك لزيادة التنمية الاقتصادية
قالهم : طيب والطواف ؟؟!!
قالوا : بسيطة في ميدان التحرير
قالهم : طيب والسعي ؟؟!!
قالوا : بسيطة بين الاهرامات
قالهم : طيب ورجم الشيطااااااااااااان ؟؟!!!!!
ردوا : معلش سيادتك تستحمل معانا
بيقولك مره سال مبارك الشيخ طنطاوي ياتري يامولانا مين الاحسن انا ولا عبد الناصر
فجاوب الشيخ طبعا انتا ياريس فقاله ليه فاله عبد الناصر كان بيخاف من روسيا لكن انتا لا
فساله طيب مولانا الاحسن انا ولا السادات فرد انتا ياريس فساله ليه فقاله السادات كان بيخاف من امريكا لكن انتا مبتخافش
فساله ياراجل طيب انا ولا عمر ابن الخطاب فجاوب لا انتا بردو ياريس فقاله ليه بقي
قاله عمر كان بيخاف من ربنا لكن انتا لا مبتخافش
ونكته تانيه ان تلاته حيوانات طلبوا الهجره من مصر
كلب وديك وحمار
فشرطوا عليهم لازم يقابلوا الريس
فدخل الكلب فساله الريس ليه عاوز تهاجر من مصر ياديك
فرد محدش راضي يصلي الفجر وانا عمال اهاتي عالفاضي زي اللي بيدن في مالطه
فرد الريس يصرح له بالهجره
ودخل الكلب فساله الريس هتهاجر من مصر ليه ياعم الكلب
فرد الكلب ياريس البلد بقت كلها حراميه مش عارف اجري ورا مين ولا مين
فكتب يصرح له بالهجره
ودخل الحمار وساله حتي انتا ياحمار عاوز تهاجر ليه طيب فرد الحمار
بص ياريس بقي ماينفعش اتنين حمير في بلد واحده ياانا ياانتا
واخر نكته عن جمال وعلاء بيقولك
مره واحد قعد يدعك في مصباح مكتوب عليه مصباح علاء الدين
قعد يدعك يدعك فطلع عليه عفريت فالعفريت فال للراجل طلع الفلوس اللي معاك
فاستغرب الراجل وقاله مش ده مصباح علاء الدين بردو
فقاله لا ياروح ماما ده مصباح علاء مبارك
واخر العبارت والرسائل اللي وصلتلي عن مبارك فهي
الله يرحم جمال عبد الناصر طرد الانجليز من مصر...
والله يرحم السادات طرد اليهود من مصر ...
وربنا هيرحم حسني مبارك بس بعد يطرد المصرييين من مصر
عندما توفت الملكة إليزابيث الأم, توجه الرئيس المصري إلى لندن لعزاء العائلة
البريطانية المالكة, وعندما قابلته الملكة إليزابيث في قصر باكينجهام ,
انتقدته انتقادا شديدا لعدم اختياره نائبا له طوال هذه الفترة من مدة حكمه ,
ودار بينهما ذلك الحديث:
الملكة إليزابيث :- أعتقد أن موقفك يا فخامة الرئيس قد أصبح دقيقا , وعليك أن
تبادر باختيار نائبا لك حتى لا يقول الشعب الإنجليزي أن الملكة تستقبل في قصرها
ديكتاتور آخر مثل الرئيس العراقي.
مبارك: ولكني يا جلالة الملكة المشكلة هي أني لا أعرف حقيقة كيف أتمكن من
اختيار النائب المناسب.
الملكة: سأخبرك عن طريقتي السرية التي اتبعتها في اختيار رئيس وزرائي توني
بلير.
مبارك: رائع .. مدهش .. ما هي هذه الطريقة يا فخامة الملكة ؟؟
الملكة : كل ما فعلته هو أني اتصلت بتوني وسألته : من يكون ابن أمك وأبيك وليس
بأخيك ؟؟
مبارك: سؤال صعب جدا !!!!
الملكة: ولكن برغم ذلك أجاب توني على الفور قائلا: هذا الشخص هو توني بلير ذات
نفسه يا جلالة الملكة.
مبارك: وهل كانت شخصية (توني بلير) هي الإجابة الصحيحة ؟؟
الملكة: بالقطع هي الإجابة الصحيحة, ولذلك فأمرت بتعيينه رئيسا للوزراء.
وعندما عاد الرئيس المصري للقاهرة عزم على إجراء ذلك الاختبار لاختيار نائبه ,
فأمر بإحضار رئيس مجلس الشعب ودار الحديث التالي:
الرئيس : أخبرني يا رئيس مجلس الشعب , من هو ابن أمك وأبيك وليس بأخيك؟
رئيس مجلس الشعب (بدهشة): أمك إيه وأبوك إيه ياريسنا.. ده انت بابا وانت ماما
وانت كل حاجة في حياتي.
الرئيس : عفارم .. عفارم .. بالرغم من إنها إجابة جميلة .. ولكنها للأسف إجابة
خاطئة ..
أحضروا شيخ الأزهر. شيخ الأزهر : أوامرك يا ريسنا
الرئيس : أخبرني يا شيخ الزهر , من هو ابن أمك وأبيك وليس بأخيك ؟؟
شيخ الأزهر (بدهشة) : بالرغم من أني مش فاهم سؤالك يا ريسنا , ولكني أؤكد لك
أنه حلال ويجوز ولا يوجد أي حرج شرعي في ذلك , وتوكل على الله.
الرئيس : عفارم .. عفارم .. بالرغم من إنها إجابة جميلة ولكنها للأسف إجابة
خاطئة ..
أحضروا البابا شنودة. البابا شنودة : أوامرك يا ريسنا.
الرئيس : أخبرني يا أبونا .. من هو ابن أمك وأبيك وليس بأخيك ؟؟
البابا شنودة (بدهشة) : الأب والأم والأخ .. ثلاثة في واحد وواحد في ثلاثة ..
كله حاجة واحدة.
الرئيس : جرى إيه يأبني ؟؟ .. هو أنا أسألك فزورة تجاوبني بفزورة !! ..
أحضروا لي رئيس الوزراء. رئيس الوزراء : أوامرك يا ريسنا.
الرئيس:قوللي يا نظيف .. من هو ابن أمك وأبيك وليس بأخيك؟؟
وكان رئيس الوزراء أكثر حذرا من سابقيه .. فسأل رئيس الوزراء : ممكن يا ريس
أستعين بصديق ؟؟
الرئيس : ممكن .. بس قدامك دقيقتين بس.
فسارع رئيس الوزراء بالاتصال بالدكتور أحمد زويل وسأله: رئيس الوزراء: ألحقني
يا دكتور زويل .. أنت راجل عالم وأخذت جايزة نوبل وأنا محتاجك
في سؤال عصيب.
الدكتور زويل : خير يا سيادة رئيس الوزراء !!؟؟
رئيس الوزراء: قو للي وحياتك.. مين هو ابن أمك وأبيك وليس بأخيك ؟؟
الدكتور زويل : ودي حاجة محتاجة سؤال !! .. أنا طبعا يا سيادة رئيس الوزراء.
فذهب رئيس الوزراء مهرولا للرئيس. رئيس الوزراء: يا ريس .. ياريس .. عرفت
الإجابة ياريس
الرئيس : عفارم .. عفارم .. قوللي بقى يا نظيف .. مين هو ابن أمك وأبيك وليس
بأخيك ؟؟
رئيس الوزراء : الدكتور أحمد زويل يا ريسنا.
الرئيس: أحمد زويل إيه يا ****.. إجابتك غلط.
رئيس الوزراء: أمال يطلع مين ده بس يا ريسنا ؟؟؟؟!!!!!
الرئيس: الشخص ده يطلع (توني بلير) يا أغبياء !!!!!!!..
الحمد لله إني ماخترتش نائب لي لحد دل وقتي.
وفي النهاية .. تم إغلاق ملف نائب الرئيس نهائيا.. وإصدار أمر باعتقال الدكتور
أحمد زويل !!!!!!!!!!!!!!!!
موضوع: نكت مصرية طحن الطحن !!!!!!!!!!!!!!!!!! سياسي 2 
الأربعاء يوليو 22, 2009 8:43 pm